दोहा- कतारस्थित नेपाली राजदूतावासले मार्च १६ सम्म आवेदन दिएका राहदानी लिन आउन आग्रह गरेको छ l दुताबासले फारम बुझाएका मध्ये १,४८१ जनाको ई पासपोर्ट तयार भएको सुचना प्रकाशित गर्दै राहदानी लिन आउन आग्रह गरेको हो l
त्यस्तै फेब्रुअरी ३ सम्म आवेदन बुझाएका मध्ये ९७ जनाको अझै पनि एम आर पी राहदानी दुताबासमै भएका कारण समयमै लिन आउन पनि आग्रह गरेको छ ।
राहदानी लिनको लागी पुरानो राहदानी र राजश्व तिरेको सक्कली नगद रसिद साथमा लिएर स्वयंम दूतावासमा उपस्थित भई आफ्नो राहदानी बुझिलिन सम्बन्धित सबैलाई दूतावासले सोहि सुचना मार्फत जानकारी गराएको छ ।
राहदानी सार्वजनिक विदाका दिन बाहेक हरेक दिन ९ बजे देखि दिउँसो ३ बजे सम्म वितरण हुने दुताबासले जनाएको छ l
राहदानी तयार भएको व्यक्तिहरुको नामावली हेर्न यहाँ थिच्नुहोस ।
प्रकाशित मिति : २०७८ चैत्र २२ गते मङ्गलवार
