कतार विश्वकप २०२२ काे खेल तालिका सार्वजनिक

 विश्वकप फुटबल २०२२ अन्तर्गत उद्घाटन खेलमा आयोजक कतारले इक्वेडरको सामना गर्ने  ।

दोहा– फिफाले शुक्रबार सार्वजनिक गरेको समूह विभाजन अनुसार उद्घाटन खेलमा कतारले इक्वेडरसँग खेल्ने भएको हो। कतार र इक्वेडरबीचको खेल नोभेम्बर २१ मा अल बायत स्टेडियममा हुनेछ। दुई टोलीबीचको खेल नेपाली समय अनुसार ३: ४५ बजे सुरू हुनेछ। पहिलो दिन थप तीन खेलहरू हुनेछन्। जसमा सेनेगलले नेदरल्यान्ड्ससँग नेपाली समय अनुसार १८:४५ बजे प्रतिस्पर्धा गर्नेछ।

त्यस्तै समूह ‘बी’का दुई खेल हुनेछन्। जसमा इङ्ल्यान्डले एसियाली मुलुक इरानसँग नेपाली समय अनुसार राती २१:४५ बजे खेल्दा यूएसएले स्कटल्यान्ड/वेल्स र युक्रेनमध्ये विश्वकपमा छनोट हुने एक टोलीसँग राती ००:४५ बजे खेल्नेछ। कतार विश्वकप आगामी नोभम्बर २१ देखि डिसेम्बर १८ सम्म आयोजना हुनेछ। कतार विश्वकपमा ३२ टोलीको सहभागिता रहने छ।