दोहा ।
कतारको नेपाली समाजले नेपालीहरुको आफ्नो संस्कार, संस्कृति र परम्परासंग जोडिएका बिशेष चाडपर्वहरुलाई शुभकामना आदानप्रदान गर्दै मनाउने गरिरहेका छन । यसै क्रमलाई निरन्तरता दिदै नेपाली जनसम्पर्क समिति कतारले नव बर्ष २०७९ तथा ईस्लाम धर्मावलम्वीहरुको पवित्र महिना रमजानको अवसरमा शुभकामना आदानप्रदान कार्यक्रम सम्पन्न गरेको छ ।
शुक्रबार सम्पन्न कार्यक्रमका प्रमुख अतिथि नेपाली राजदूतावास कतारका द्वितीय सचिव प्रवीण भट्टराईले शुभकामना मन्तव्य दिदै हाम्रो परम्परा, संस्कार र सस्कृतिको संरक्षणमा कतारका नेपाली संघसंस्था महत्त्वपूर्ण भुमिका रहेको बताए । यसरी आफ्ना परम्परालाई मनाउने क्रममा सामुहिक रुपमा मनाउदा अझै भव्यता साथ गर्न सकिने भन्दै तर्कपूर्ण सन्देश दिएका थिए । दूतावासको कार्यशैली, विदाको दिनमा खुलेको दूतावासको अनुभव शेयर गरेका थिए । आवश्यकता रहेको खण्डम विदाका दिनहरूमा समेत दूतावास खुला गरि सेवाग्राहीलाई सेवा दिन सदैव तत्पर रहेको बताए।
कार्यक्रमका सभापति मो. अजिज अलिले उपस्थित सम्पुर्ण धन्यवाद व्यक्त गर्दै यस्ता शुभकामना आदानप्रदान गर्दा धर्मिक सहिष्णुता र भाईचाराको सन्देश दिने बताए । कार्यक्रमका लागी भरिभराउ हलमा एनआरएनए आइसिसि उपाध्यक्ष नरेन्द्र भाट, आईसिसि युवा उपाध्यक्ष राज रेग्मी, सचिव प्रवीण गुरुङ डिआरसि केवि हमाल लगायत विभिन्न धर्मिक तथा बैचारिक संगठन, प्रदेश समन्वय परिषद , जिल्लाका संघ संस्था प्रमुख तथा प्रतिनिधिहरूले शुभकामना मन्तव्य राखेका थिए ।
कतारको ह्वाइट हाउस रेस्टुरेन्ट मौलाना गुरुबाट कुरान पाठ गरि सुरुवात गरिएको थियो । स्वागत मन्तव्य उपसभापति ठाकुर परियारले दिएको कार्यक्रमलाई महामन्त्री केदार भुसालले संचालन गरेका थिए ।
