दोहा – एसएसके ब्रदर्सको आयोजनामा हुन गइरहेको “दशैँ धमाका २०७९” दोहा स्थित डि रिङ रोडमा रहेको रेजेन्सी हलमा हुने भएको छ ।
कार्यक्रम आगामी ३० सेप्टेम्बर २०२२ शुक्रबारका दिन नेपालीहरुको महान चाड विजया दशमीको शुभ अवसरमा दोहा स्थित ओसिस वीच क्लबको स्पोर्ट्स कोडमा तय गरिएको भए पनि प्राविधिक असहजताका कारण रेजेन्सी हलमा तय गरिएको हो ।
रेजेन्सी हल निर्धारण संगै कार्यक्रमको लागि आवस्यक सम्पूर्ण तयारीहरू पूरा भएको हो ।
“सम्पूर्ण कलाकारहरू आईसक्नु भएको छ । हलको साजसज्जा समेत सकिएयो” कार्यक्रम संयोजक डेगबहादुर भारती उर्फ सुमनले जानकारी दिए ।
भारतीले थपे, “बेहुला बनाउँछु भन्थी, बहुला बनाएर आई गितबाट शिखरको चर्चमा रहेका बहुचर्चित भर्सटायल गायक सर्जक रमेश राज भट्टराई, ‘भेट्न आएँ दौडेर स्याईस्याई, आखिरमा भो हेर केही न केही’ गितका गायक तथा मोडेल अर्जुन सापकोटा र ‘छनत मै राम्री छैन भन त मन पर्छ पर्दैन’ लगायत चर्चित गित बाट चर्चाको शिखर रहेकी लोक तथा दोहोरी गायिका सम्झना भण्डारी लगायत अतिथि कलाकारहरू आईसक्नु भएको छ ।”
त्यस्तै भारतीले पछिल्लो समय चर्चाको शिखरमा रहेका मोडल द्वय प्रीति पासवान र करिश्मा पुन मगर समेत अतिथि कलाकारका रुपमा हिजो राती नै दोहा आईसकेको जानकारी दिए ।
भारतीले थपे, “भोजपुरी चलचित्रकि नायीका तथा चर्चित डान्सर पासवानको क्रेज धेरै रहेछ, त्यसैले पनि कार्यक्रमले निकै चर्चा पायो ।” भारती अगाडी थप्छन्, “रमेश राज भट्टराई, अर्जुन सापकोटा, सम्झना भण्डारी जस्ता भर्सटाईल गायक गायीका एवं सर्जकहरूको आगमनले सबैलाई उत्साहित बनाएको थियो । तर यो पटक प्रीतिको समेत आगमनले मधेस तथा भोजपुरी समुदायलाई समेत हर्षित तुल्याएको छ । यस अर्थ हामीले हिमाल पहाड तराई सबैलाई समेट्ने प्रयास गरेका छौं।”
कतार बासी नेपालीहरूको लागि महान चाड विजया दशमीलाई विशेष बनाउने र सामुहिकरूपमा दशैंको उत्सव मनाउने हेतुले आयोजित कार्यक्रम दिनको ४ बजे देखि रातको १० बजे सम्म चल्नेछ ।
हजारौंको संख्यामा दर्शकहरूको उपस्थिति रहने कार्यक्रममा शुभकामना लगायतका कुनै मन्तव्य नराखिने जानकारी दिदै एसएसके ब्रदर्सका प्रवन्ध निर्देशक कृष्ण पन्थीले थपे, “हामी सामुहिक दशैं उत्सव मनाउँदै छौं र यो कार्यक्रम विशुद्ध साँगेतिक हुन्छ ।”
संचारकर्मीहरूसंग संक्षिप्त कुराकानी गर्दै पन्थीले भने, “मुख्य प्रायोजकका रुपमा नेपाली व्यवसायी रमेश केसीको स्मार्ट ज्वेलरी रहेको छ भने कतारमा स्थापित संघ संस्था एवं व्यवसायीहरू ईमेन्ट पार्ट्नरको रहनु भएको छ।”
पन्थीले थपे, “हामिले कतारी रियाल एक सय र पचासको टिकट व्यवस्था गरेका छौं, यसबाट आएको बचतलाई अनाथ तथा जेहेन्दार बालबालिकाको शिक्षाको लागि खर्च गर्नेछौं ।”
कार्यक्रमको तयारी भव्यरूपमा भएको र सफलता समेत भव्यरूपमा हुने विश्वास लिएको बताउँदै कार्यक्रमका मिडिया संयोजक दिपजङ्ग शाह ठकुरीले कतारका अग्रजहरू, बुद्धिजीवी, व्यवसायी, समाजसेवी, सामाजिक अभियन्ता, सञ्चारकर्मी लगायत सम्पूर्ण नेपाली एवं नेपालीभाषी दाजुभाइ तथा दिदी बहिनीहरूलाई उक्त कार्यक्रममा उपस्थिति जनाएर सफल पारी दिन आग्रह समेत गरेका छन् ।
ठकुरीले थपे, “कार्यक्रमलाई व्यवस्थित र सबैको साझा बनाउने उदेश्यले टिकटको व्यवस्था गरेका हौं, यो कुनै कमर्सियल कार्यक्रम होईन । कार्यक्रममा आर्थिक अपूग भएमा आयोजकले व्यवस्थापन गर्नेछ भने बचत भएमा सामाजिक काममै लगानी गर्नेछ ।”
