दोहा- कतारमा नवलपरासी सेवा समाज, काड्र्स अर्गनाइजेसन र नेपलिज ब्रदर्श रुम कतारको संयुक्त आयोजनामा वनभोज कार्यक्रम सम्पन्न गरेको छ ।
कतारको सहानिया स्थित अल दोसरी पार्कमा सम्पन उक्त बनभोज कार्यक्रमको अध्यक्षता कृष्ण पन्थी तथा प्रमुख आतिथ्यतामा समाजका संरक्षक तथा काड्र्स आइसिसीका संयोजक केबि हमाल रहेका थिए ।
अध्यक्ष पन्थीले कतार देखि नेपाल सम्म नवलपरासी सेवा समाज र काड्र्स अर्गनाइजेसनले सामाजिक सेवा र बिकास लगायत व्यावसायिक सफलतातिर फड्को मार्दै अघि बढ्दै गरेको बताए । पन्थिले थपे, हामिले निकट भविष्यमा थप भिजन र कार्य योजनासहित अगाडि बढ्ने प्रतिबद्धता गर्दछौं”।
कलकारलाई कदर पत्र
कार्यक्रममा संस्थाले कलकारहरु शिवांसी कुवर, सन्ध्या अर्याल, अमित कुवर र सांस्कृतिक संयोजक अमित बरालीलाई कदर पत्रद्वारा सम्मान गरिएको थियो । साथै कृजल पन्थी र जिया हमालले नृत्य प्रस्तुत गरेर उपस्थीतीहरुलाई मनोरञ्जन प्रदान गरेका थिए ।
काड्र्स अर्गनाइजेसन कतारका वरिष्ठ उपाध्यक्ष राजाराम शाहीले स्वागत गरेको उक्त कार्यक्रमलाई समाजका महासचिव दुर्गा हमालले सहजीकरण गरेका थिए ।
आपसी भाइचारालाई बढावा दिन आयोजना गरिएको उक्त कार्यक्रममा कतारमा रहेका विभिन्न सामाजिक संघसस्थाका प्रतिनिधीहरुको बाक्लो उपस्थीति समेत रहेको थियो ।
