एएफसी एसियन कप छनोट अन्तर्गत समूह चरणको अन्तिम खेलमा नेपालले आज राति इन्डोनेसियासँग प्रतिस्पर्धा गर्दैछ ।
खेल कुवेत सिटीस्थित जाबेर अल अहमद इन्टरनेशनल स्टेडियममा नेपाली समय अनुसार आज राति एक बजे सुरु हुनेछ ।
फिफाको पछिल्लो वरियतामा नेपाल हाल १६८औँ स्थानमा छ भने इन्डोनेसिया नेपालभन्दा केही माथि रहेको फिफाको पछिल्लो वरियतामा १५९औँ स्थानमा छ ।नेपाल पहिलो खेलमा जोर्डनसँग २–० ले पराजित भएको थियो भने दोस्रो खेलमा कुवेतसँग ४–१ ले पराजित भएको थियो ।
नेपाल समूह ‘ए’ मा अहिलेसम्म शून्य अंकसहित पुछारमा छ । जोर्डन ६ अंकसहित शीर्ष स्थानमा छ भने कुवेत र इन्डोनेसियाको तीन–तीन अंक रहेको छ ।
प्रकाशित मिति : २०७९ जेष्ठ ३१ गते मङ्गलवार
