दोहा । नवलपरासी सेवा समाज कतारको तेस्रो अधिबेशन आउने शुक्रबार हुने भएको छ । न्यु सलाता स्थित कतार च्यारेटीको सभाहलमा २३ फेब्रुअरी २०२४ दिनको १२ बजे देखि हुने कार्यक्रमको जानकारी अध्यक्ष कृष्ण पन्थी दिएका छन ।
जिल्लाको साझा सस्थाको रुपमा स्थापित गरेको संस्था सन २०१८ स्थापना भएको हो । नेपालको नवलपरासी जिल्ला कतारमा आई विभिन्न पेसा, ब्यावसाय, श्रमिकका रुपमा रहदै आएका नवलपरासीबासी हरुले सामाजिक सेवा र गतिविधिका लागी खोलिएको हो ।
सामाजिक भावनाले प्रेरित संस्था “आपसी सहयोग सद्भाव, सहयोग र एकता सामाजिक सेवामा हाम्रो प्रतिबद्धता” भन्ने नारा सजिएको छ ।
तेस्रो अधिवेशनले समाजको नयाँ कार्यसमिति चयन गर्नुकासाथै समाजले गैर आवासीय नेपाली संघ राष्ट्रिय समन्वय परिषद कतारको २०२३-२०२५ कार्यकालको लागि निर्बाचित हुनु भएका अध्यक्ष लगायत कार्यसमितिका सम्पूर्ण पदाधिकारी तथा सदस्यहरुलाई समेत सम्मान गर्ने कार्यक्रम समेत रहेको छ ।
अधिवेशनमा समाजले कतारमा स्थापित विभिन्न संघ सस्था, प्रमुख तथा प्रतिनिधिहरु समाजसेवी, ब्याबसयी पत्रकार तथा कतारलाई कर्म थलो बनाई रहनु भएका तपाईं सम्पूर्ण शुभचिन्तकहरुलाई उपस्थितिको लागी हार्दिक अनुरोध गरेको छ ।
