दोहा– सुपर स्टार नायक पल शाह कतार आउने भएका छन।
नेपाली इद धमाका – २०२५ कार्यक्रममा सहभागी हुन सुपर स्टार नायक पल शाह कतार आउने भएका हुन।
“दि गोरखा ईन्टरटेन्मेन्ट हाउस कतार” को आयोजना तथा नेपाली फिटनेस टिमसँगको सहकार्यमा कतारमा नेपाली इद धमाका-२०२५ मा शाह सङ्गै गायक टंक तिमिल्सिनार मोडल तथा डान्सर स्मारिका ढकाल पनि कतार आउने छन ।
मुस्लिम धर्मावलम्बीहरुको महान पर्व इद उल फित्रको अवसर पारेर नेपाली इद धमाका-२०२५ कार्यक्रम अल लुक्ता स्थित ट्युनिसियन स्कुलको हलमा आयोजना गर्न लागिएको आयोजकले एउटा मिट एण्ड ग्रीट कार्यक्रमको आयोजना गरि जानकारी गराएको छ ।
कार्यक्रमको मुनाफाबाट कम्तीमा १ लाख नेपाली रुपैयाँ मानवसेवा आश्रमलाई सहयोग गर्ने कार्यक्रमका म्यानेजर राकेश श्रेष्ठले जानकारी दिए।
कार्यक्रम भाषण र आशन केही नहुने र सहभागी हरुलाई कार्यक्रममा आउन जानको लागि विभिन्न ठाउँबाट यातायातको सुबिधा पनि रहेको कार्यक्रम संयोजक तिलु शर्मा पौडेलले जानकारी गराए।
मार्च ३१ तारिख दिउँसो १२ः३० बाट सुरु हुने कार्यक्रममा कम्तिमा २५ वटा टिकट विक्री गर्ने संस्था वा व्यक्तिलाई एउटा विषेश पास उपलब्ध गराउने ५० भन्दा बढी बेच्नेलाई सिल्भर स्पोन्सर, १ सय बेच्नेलाई गोल्डेन, १ सय ५० टिकट बेच्नेलाई प्लाटिनम र २ सय भन्दा बढी टिकट बेच्नेलाई डाइमण्ड स्पोन्सरको रुपमा वर्गीकरण गरि राखिने आयोजकले जानकारी दिएको छ।
कार्यक्रमको बारेमा विस्तृत जानकारीको लागि कार्यक्रम म्यानेजर राकेश श्रेष्ठ – 5599 7539
कार्यक्रम संयोजक तिलु शर्मा पौडेल- 55347957
कृष्ण ढकाल- 3164 6365 र
कृष्ण सुनार- 6618 5582 सगँ
सम्पर्क गर्न सकिने छ ।
