दोहा, कतार
ICC पुरुष टी–२० विश्वकप एशिया–पूर्वी एसिया–प्रशान्त (EAP) छनोट अन्तर्गत सुपर–६ चरणको पहिलो खेलमा आयोजक ओमनले कतारमाथि ३१ रनको जित हासिल गरेको छ।
पहिले ब्याटिङ गरेको ओमनले निर्धारित २० ओभरमा ६ विकेट गुमाउँदै १७२ रनको बलियो योगफल तयार गर्यो। कप्तान जातिन्दर सिंहले ४० बलमा ७ चौका र ३ छक्का सहित ६६ रनको उत्कृष्ट पारी खेले। आर्यन बिष्टले २४ बलमा ३४ रन र विनायक शुक्लाले अन्त्यतिर १५ बलमा ३० रनको योगदान दिए।
कतारका बलर बायगले ४ ओभरमा २८ रन दिँदै ४ विकेट लिए, तर अन्य बलरहरूले रन नियन्त्रण गर्न सकेनन्।
१७३ रनको लक्ष्य पछ्याउने क्रममा कतार २० ओभरमा ८ विकेटको क्षतिमा १४१ रनमै सीमित रह्यो। शरीक मुनीरले २५ बलमा ३४ रन बनाए भने कप्तान इमाल लियानागेले २८ रन जोडे, तर टोलीलाई जित दिलाउन सकेनन्। ओमनका बिलाल खान र आयान खानले समान दुई–दुई विकेट लिए।
यस जितसँगै ओमनले सुपर–६ चरणमा दुई अंक जोड्दै अग्रता लिएको छ भने कतार पहिलो खेलमै पराजित हुँदै दबाबमा परेको छ।
म्यान अफ द म्याच: जातिन्दर सिंह (ओमन) – ६६ रन (४० बल) बनेका छन्।
