दोहा,
लामो समय देखि दोहालाई कर्मथलो बनाएर रहेका सुनसरीका तीन जना चौधरी दाजुभाइले सनैयामा रहेको प्लाजा मल भित्रको सप नम्बर २३१ मा (सानफोर्ड सोरुम भित्र)नयाँ चौधरी चक्लेट सपको सुरुवात गरेका छन ।
बुधनारायण चौधरी, जीवन चौधरी र अबिन चौधरीले संयुक्त रुपमा चक्लेट सप संचालन गरेका हुन । हरेक दिन नेपाली दाजुभाइ तथा दिदिबहिनीहरु यो सपिङ्ग मलमा आउने र नेपाली पसल खोज्ने गरेको हुनाले यो सपको सुरुवात गरेको बुधनारायण बताउछन ।
भर्खरै मात्र पनि प्लाजा मल भित्र नै आफ्नै टेलर्स खोलेका चौधरी आउने दिनमा सनैया अन्य ठाउँमा पनि शाखा खोल्ने सोच रहेको बताउछन ।
सेरिना क्लिनिङ एन्ड हस्पिटालिटी कि सानी नानी सेरिना आचार्यले उक्त सपको रिबन काटेर उद्घाटन गरेकी थिइन । उद्घाटन समारोहमा सबैजसो श्रमिक बर्ग मात्र देखिएको उक्त सपमा उद्घाटन गरेको एक हप्तासम्म श्रमिकहरुको लागि बिशेष छुट रहने पनि चौधरीले बताएका छन ।
दोहामा रहेका हरेक नेपाली दाजुभाइ तथा दिदिबहिनीहरुलाई एकपटक सपमा आएर नेपाली व्यावसाय लाई हौसला बढाउन समेत चौधरीले अनुरोध गरेका छन ।
