कास्की आदर्श समाज कतारको अध्यक्षमा पुनः अग्निधर देवकोटा

दोहा , कास्की आदर्श समाज कतारको अध्यक्षमा पुनः अग्निधर देवकोटा निर्बिरोध निर्बाचित भएका छन्। गत शुक्रबार सनैयाको एक रेस्टुरेन्टको सभाहलमा सम्पन्न नवौँ अधिवेशनबाट देवकोटा अध्यक्षमा निर्बाचित भएका हुन्।

२००२ मा “कास्की आदर्शको चाहना सभ्य र समृद्ध समाजको स्थापना ” भन्ने मूल नाराका साथ स्थापित कास्की आदर्श समाज कतार, कतारमा रहेका अग्रणी नेपाली संस्थाहरूमध्ये एक हो।

अध्यक्ष अग्निधर देवकोटाको सभापतित्वमा सम्पन्न उक्त कार्यक्रममा नेपाली दूतावास दोहा कतारका प्रथम सचिव भोजराज भुसाल प्रमुख अतिथि तथा कास्की आदर्श समाज अन्तर्राष्ट्रियकी अध्यक्ष सीता बराल विशिष्ट अतिथिका रूपमा सहभागी भएका थिए। दोहामा स्थापित विभिन्न वैचारिक तथा सामाजिक संस्थाका अध्यक्ष र प्रतिनिधिहरूको बाक्लो उपस्थिति रहेको उक्त कार्यक्रममा समाजलाई विभिन्न समयमा योगदान दिने सामाजिक संस्था, व्यक्तित्व, र पत्रकारहरूलाई मायाको चिनोद्वारा सम्मान गरिएको थियो।

प्रमुख अतिथि भुसालले शुभकामना मन्तव्य दिँदै कतारमा सामाजिक संस्थाहरूले गर्दै आएको कार्यको खुलेर प्रशंसा गरे। अघिल्लो कार्यकालको प्रतिवेदनले कास्की आदर्श सेवा समाजले गरेको सामाजिक कार्यको स्पष्ट विवरण दिएको पनि उनले बताए।

विशिष्ट अतिथि सीता बरालले कास्की आदर्श समाज कतारको गतिविधि अत्यन्त प्रशंसनीय र सक्रिय रहेको बताउँदै, यसले अन्तर्राष्ट्रिय स्तरमा पनि प्रेरणा दिएको बताइन्। उनले भविष्यमा पनि यस्तै सहयोग र योगदानको अपेक्षा गरिन्।

कार्यक्रममा संस्थालाई लामो समयदेखि सहयोग पुर्याउँदै आएका स्याङ्जाका मोहम्मद अजिजालीलाई मानार्थ सदस्यको रूपमा सम्मान गरिएको थियो। अजिजाली नेपाली जनसम्पर्क समिति कतारका सभापति पनि हुन्।

अधिवेशनको निर्वाचन समितिका संयोजक विमल सुवेदीले प्रक्रियागत रूपमा निर्विरोध निर्वाचित नयाँ कार्यसमितिको घोषणा गरे।

कार्यक्रम संस्थाका सचिव बिष्णु तिमिल्सिनाले सञ्चालन गरेका थिए भने वरिष्ठ उपाध्यक्ष सुरज रानाभाटले स्वागत मन्तव्य राखेका थिए।

अध्यक्ष देवकोटाले सबैलाई धन्यवाद दिँदै, आफ्नो कार्यकालभरि सहयोग गर्ने सबैलाई आभार व्यक्त गरे। उनले कार्यक्रम सफल पार्न योगदान दिने सबैलाई विशेष धन्यवाद दिँदै कार्यक्रम समापन गरेका थिए ।

नयाँ कार्यसमिति: