दोहा, कतार । कोशी प्रदेश समन्वय परिषद, कतारको चौथो अधिवेशन २०२५ तथा आठौँ स्थापना दिवस कार्यक्रम शुक्रबार सेनैयास्थित फुलबारी रेष्टुरेन्टमा भव्य रूपमा सम्पन्न भएको छ। अधिवेशनले रुद्र शर्मा आचार्यलाई निर्विरोध अध्यक्ष चयन गर्दै नयाँ कार्यसमितिको गठन गरेको छ।
व्यानर अनावरण द्वीप प्रज्वलन गरेर शुरू गरिएको कार्यक्रममा स्थापना दिवसको केक काटेर कार्यक्रम शुरु गरिएको थियो।
कार्यक्रमका सभापति परिषदका अध्यक्ष पदम कुमार घिमिरे रहेका थिए भने संस्थापक अध्यक्ष चूडामणि कार्की प्रमुख अतिथिका रूपमा रहेका थिए।
कार्यक्रममा दोहामा स्थापित विभिन्न संघ संस्थाका अध्यक्ष तथा प्रतिनिधिहरूको बाक्लो उपस्थिति रहेको थियो। उपाध्यक्ष रुद्र शर्मा आचार्यले स्वागत मन्तव्य प्रस्तुत गर्दै सबैलाई स्वागत गरेका थिए ।
कार्यक्रममा प्रस्तुत गरिएको नौमती बाजाको तालमा सहभागीहरू उत्साहपूर्वक रमाएका थिए। सोही अवसरमा कलाकारहरूले उत्कृष्ट सांगीतिक र सांस्कृतिक प्रस्तुतीहरू दिएका थिए। प्रस्तुती दिने कलाकारहरूमा खड्ग बस्नेत, सनिना दाहाल बस्नेत, ईश्वरी बस्नेत, सौरभ आचार्य, सल श्रेष्ठ, लक्ष्मी कार्की, अप्सरा राई, वर्षा लोप्छन, अजय कुमार दनुवार, नारायण देबकोटा र रोशन घिमिरे रहेका थिए भने गजलकार पूर्ण कान्छा गुरुङको गजलले हल तताएको थियो । कार्यक्रममा संस्था स्थापना गर्दा महत्वपूर्ण भूमिका निभाउने लाई सम्मान गरिएको थियो ।
प्रमुख अतिथिले कार्यकम एकदम सफल भएको र आगामी दिनमा नेपाली समुदाय सँग हातेमालो गरेर अगाडि बढ्नेमा ढुक्क भएको बताए । कार्यक्रमका सभपतिले उपस्थित सबैलाई धन्यवाद दिँदै आगामी दिनमा यसरी नै साथ र सहयोगको अपेक्षा गरेको बताए ।
अधिवेशनले आगामी कार्यकालका लागि निम्न कार्यसमिति सर्वसम्मत रूपमा चयन गरेको छ ।
अध्यक्ष — रुद्र शर्मा आचार्य,वरिष्ठ उपाध्यक्ष — भिम बराइली, प्रथम उपाध्यक्ष — गोपीकृष्ण अधिकारी,द्वितीय उपाध्यक्ष — पदम प्रसाद सिम्खडा,तृतीय उपाध्यक्ष — गोबिन्द कटुवाल,महासचिव — महेन्द्र उप्रेती, सचिव — विष्णु निवौला, केशव बस्नेत, तोरण बस्नेत,सदस्यहरु, सीपी गुरुङ, पेशल तामाङ, श्याम बाबु आचार्य, तेज न्यौपाने, खेमराज खड्का, संजीप कटुवाल, भानु शर्मा, डिल्लिराम चौहान, शिवकुमार खत्री, सल बहादुर श्रेष्ठ, अनिता राई, कुबेर अधिकारी निर्विरोध निर्वाचित भएका छन् ।
कार्यक्रममा कोशी प्रदेशअन्तर्गतका विभिन्न जिल्ला समाजका प्रतिनिधिहरूको उल्लेखनीय उपस्थिति रहेको थियो। अधिवेशनले आगामी दिनमा प्रदेश समन्वय परिषदलाई अझ सुदृढ, व्यवस्थित र लक्ष्य–उन्मुख रूपमा अगाडि बढाउने साझा प्रतिबद्धता व्यक्त गर्दै सम्पन्न भएको आयोजकहरूले जानकारी दिएका छन्।
कार्यक्रमको सञ्चालन महासचिव पदम सिम्खडाले गरेका थिए।
