दोहा । कतारका लागी नवनियुक्त महामहिम राजदूत रमेश चन्द्र पौडेल आएको केही हप्तामा राहदानी नविकरणमा सहजता देखिएको छ । नवनियुक्त महामहिम पौडेलको पहलमा लामो समय सम्म पनि नविकरणको समस्या भएकाहरुका लागी WhatsApp मार्फत मिति नाघेका सेवाग्राहीलाई दुताबास आफैंले फर्म भरिदिने सुविधा र सकिन केही दिन महिना रहेकाको हकमा फर्म भर्ने समय परिवर्तन गरेपछि सहज देखिएको हो ।
आज जनवरी ८ तारिक। राहादानी नविकरण फारम भर्ने समय बिहान ९:१७ बजे देखि करिब १२ बजे सम्म खुल्ला थियो । विगत लामो समय देखि देखिएको राहदानी नविकरण समस्या आज केही हद सम्म सहज देखिएको छ । नेपाली दूतावास कतार (Embassy of Nepal, Doha, State of Qatar) बाट यो समाधान नै हुँदैन यो असम्भव जस्तो गरेर गुज्रीरहेको थियो ।
नवनियुक्त दुतावास पौडेल आउने बित्तिकै देखिएको सहजता कसरी सम्भव भयो पहिले किन हुन सकेन भन्ने आम जनमासमा चासोको बिषय बनेको छ । जे जस्तो भए पनि आज कतारमा रहेका सम्पूर्ण मजदुरहरुले आफ्नो राज्यबाट पाउने न्यूनतम सुविधा पासपोर्ट नवीकरण गर्न सहज वातावरणको सृजना भएको छ । छिटै दुतावासको दराजमा लामो समय देखि रहेका नवीकरण भएका राहदानी वितवरण गर्ने सहज वातावरण बनाउन सके अफ्ठ्यारो परेका श्रमिकहरुले राहत महसुस गर्ने थिए ।
