
दोहा– झापाली समाज कतारको अध्यक्षमा चानीलाल राजबंशी निर्वाचित भएका छन्।
झापाली समाज कतारको ११ औँ अधिवेशनबाट अध्यक्षमा राजबंशी निर्वाचित भएका हुन ।
ग्राण्डमलस्थित वेल फेयर रेष्टुरेण्टको सभाहलमा बिभिन्न कार्यक्रमसहित अधिवेशनबाट अध्यक्षमा राजवंशी सहित नयाँ नेत्तृत्व सर्वसम्मत चयन गरिएको हो ।
अधिवेशनबाट प्रथम उपाध्यक्षमा गणेशप्रसाद दुलाल, द्धितीय उपाध्यक्षमा किरण परियार,महासचिवमा बिमल भारती,सचिवमा शारदा भुजेल र कृष्ण कार्की, कोषाध्यक्षमा लोक थापा र सह–कोषाध्यक्षमा युबराज बराल सर्वसम्मत निर्वाचित भएका छन् ।
यसैगरी कार्यसमिति सदस्यमा भुपेन्द्र भारती, रानाबहादुर निरौला, बिनिता चौधरी, किरण राजबंशी, अजय गिरी, लुखिराम टुडु, पुजन गिरी, सरु टुडु, बाचसपति आचार्य, लक्ष्मी उप्रेती, बिशाल राजबंशी, रविन काफ्ले र बिष्णुप्रसाद शर्मा सर्वसम्मत निर्वाचित भएका हुन ।
समाजका अध्यक्ष केशव कार्कीको सभापतित्व तथा अन्तर्राष्ट्रिय झापाली समाजका अध्यक्ष मुकुन्द ढुंगानाको प्रमुख आतिथ्य रहेको रहेको कार्यक्रममा अन्तर्राष्ट्रिय झापाली समाजका बरिष्ठ उपाध्यक्ष महेन्द्र चम्लागाई, अन्तर्राष्ट्रिय झापाली समाजका उपाध्यक्ष चुडामणि कार्की, अन्तर्राष्ट्रिय झापाली समाजका महासचिव नविन पोख्रेल साथै झापाली समाजका संरक्षकहरुको विशेष आतिथ्यता रहेको थियो ।
कार्यक्रमलाई सम्बोधन गर्दै प्रमुख अतिथि अन्तर्राष्ट्रिय झापाली समाजका अध्यक्ष मुकुन्द ढुंगानाले आफु अमिरेकामा बस्ने गरेको र आजसम्म आफुले कार्यक्रममा यस्तो उल्लेखनीय उपस्थिति नदेखेको बताए ।
उनले झापाका एतिहासिक नृत्यहरुसँगै कलाकारहरुको एकदमै राम्रो प्रस्तुतिले मन छोएको बताए । उनले झापाली समाज कतारले धेरै राम्रा काम गरेको र विश्वमा सबै भन्दा पहिला झापाली समाज कतार नै स्थापना भएको बताए ।
सामाजिक कार्यका लागि समाजले आयोजना गरेका हरेक कार्यक्रमा विभिन्न कोणबाट साथ सहयोग गर्दै आइरहेका सहयोगी संघ संस्थाहरु र समाजका संरक्षक,सल्लहाकार, प्रदेश मातहतमा रहेका जिल्ला संस्था,समाजका सम्पूर्ण कार्यसमिति,कलाकार तथा पत्रकारहरूलाई दोसल्ला ओढाएर सम्मान पत्रद्वारा सम्मान गरिएको थियो ।
भेषभुषा सहितको नृत्यसँगै झापाली कलाकारहरुको बेजोड सांगीतिक प्रस्तुति रहेको कार्यक्रममा बैचारिक संगठनका अध्यक्ष तथा प्रतिनिधी,नेपाल आदिवासी जनजाती महासंघका उपाध्यक्ष भाईकाजी गुरुङ, कोशी प्रदेश समन्वय परिषद अध्यक्ष पदमकुमार घिमिर, दलित एकता सञ्जाल कतार अध्यक्ष प्रकाश बिश्वकर्मा,कोशी प्रदेश अन्तर्गत सम्पूर्ण जिल्लाअध्यक्ष, साथै सम्पूर्ण जिल्ला र प्रदेश, जातीय, संघ संस्थाहरु, सामजिक अभियन्ताहरु, पत्रकार, कलाकार र झापालीहरुको बाक्लो उपस्थिति रहेको थियो ।
समाजका उपाध्यक्ष चानिलाल राजबंशीले स्वागत गरेको कार्यक्रमको सहजीकरण बिमल भारती र शारदा भुजेलले संयुक्त रुपमा गरेका थिए ।